ԺՈՂՈՎՐԴԱԿԱՆ ՎԱՐՊԵՏՆԵՐԻ ՎԵՐԱՊԱՏՐԱՍՏՈՒՄ ԵՎ ՁԵՌԱԳՈՐԾ ԱՇԽԱՏԱՆՔՆԵՐԻ ՑՈՒՑԱՀԱՆԴԵՍ ՎԱՃԱՌՔ

Քանի  որ  հիմնադրամի  գլխավոր  նպատակն  է  վերածնել,  տարածել  և  գլխավորը՝ պահպանել  հայկական  արհեստները,  հետևաբար  հիմնադրամը  չէր  կարող չանդրադառնալ  և  շրջանցել  ժողովրդական  վարպետներին,  որոնց  շնորհիվ  էլ  մինչ մեր  օրեր  են  հասել  արհեստների  տարբեր  տեսակներ  և  դեռ  շարունակում  են կենսունակ  լինել: Ժողովրդական վարպետները, որպես կանոն,զբաղվում են մեկուսի ստեղծագործական  աշխատանքով,  շատ  քիչ  են  այն  վարպետները,  ովքեր  նաև զբաղվում են սեփական ստեղծագործությունների հանրահռչակումով, և առավել ևս, վաճառքով:

Հիմնադրամի  նախաձեռնությամբ դեկտեմբեր ամսին տեղի ունեցավ   ժողովրդական տարբեր  վարպետների  ձեռագործ  աշխատանքների  ամանորյա  ցուցահանդես վաճառք,  որի  ընթացքում  վարպետներն  հնարավորություն  ունեցալ  իրենց աշխատանքներն  ցուցադրել  և  վաճառել  տեղացի  և  օտար  հաճախորդներին:

Ցուցահանդես-վաճառքի  բացումը  ազդարարվեց  «Մետաքսի  Ճանապարհ» հյուրանոցում ՀՀ Մշակույթի նախարարության փորձագետի և հիմնադրամի տնօրենի կողմից,  հրավիրված  էին  բազմաթիվ  հյուրեր  և  լրագրողներ:

Լուսանկարների հեղինակ՝ Հովհաննես Շահնազարյան, Վահան Խաչատրյան, Մարիամ Նալբանդյան:

Ցուցահանդեսի լուսանկարների ամբաղջական հավաքածուն հասանելի է «Հանգույց» հիմնադրամի կայքէջում: